Partnerët
ANI International është një organizatë jo-fitimprurëse me bazë në Paris, Francë. Organizata është e fokusuar në tema si përfshirja sociale, solidariteti, edukimi jo-formal dhe informal, dhe zbaton projekte në nivel lokal, evropian dhe në Afrikë (Kamerun). Target grupi kryesor janë të rinjtë dhe grupet e margjinalizuara, si: gratë, emigrantët, të miturit në konflikt me ligjin, fëmijët e braktisur, njerëzit që jetojnë në zonat rurale, ata me vështirësi ekonomike dhe sociale etj.
FEMXA FORMACIÓN S.L.U
Femxa është një kompani private e specializuar në trajnime për punësim, që synon bizneset, administratën publike, zyrat e konsulencës, zyrat e punës, qendrat e trajnimit dhe individët. Qëllimi i organizatës është të rrisë konkurrencën e institucioneve publike dhe private, aftësinë për punësim dhe zhvillimin profesional të individëve.
Me më shumë se 20 vite përvojë në zhvillimin dhe zbatimin e planeve të trajnimit në sektorë të ndryshëm të biznesit, Femxa merr pjesë në të gjitha proceset e përfshira në procesin mësim-nxënie, nga analiza e nevojave për trajnim të një entiteti, organizate ose administrate publike, deri te hartimi i planit të trajnimit që ofron zgjidhje specifike për këto nevoja, përmes zhvillimit të materialeve dhe mjeteve didaktike, zgjedhjes së ekspertëve apo këshilluesve, zhvillimi i trajnimit apo pjesëmarrja në aktivitete të ndryshme (konferenca, sesione mentorimi, seminare etj.), menaxhimi financiar dhe vizibiliteti i projekteve.
TOGETHER FOR LIFE
Shoqata “Together for Life” (TFL) është një organizatë jofitimprurëse, e themeluar në fund të vitit 2009 si një nismë e një grupi gazetarësh. Misioni i saj është promovimi dhe mbrojtja e të drejtave të individëve dhe shtresave në nevojë të shoqërisë, mbështetja e familjes dhe komunitetit, me synimin e integrimit dhe përmirësimit të cilësisë së individëve, familjeve dhe shtresave në nevojë. TFL ka ndërmarrë një sërë projektesh dhe aktivitetesh novatore dhe të suksesshme.
Ajo njihet si një ndër organizatat e para më të spikatura në Shqipëri për mbrojtjen e të drejtave të njeriut, me fokus të veçantë grupet vulnerable, komunitetet që jetojnë në zonat rurale ose ekonomikisht më pak të favorizuara, gratë dhe të rinjtë.
Venetian Cluster
Venetian Cluster është klasteri i vetëm produktiv i trashëgimisë kulturore, mjedisit dhe turizmit në Itali që është regjistruar në ECCP. I bazuar në Venecia, ai koordinon më shumë se 800 kompani private dhe publike, dhe 24 institucione kërkimore që mbështesin inovacionin, zhvillimin teknologjik, internacionalizimin dhe trajnimin. Është një rrjet rajonal i njohur RIS3 dhe ka koordinuar shumë projekte lidhur me mbrojtjen dhe ruajtjen e trashëgimisë historike dhe kulturore.